Каталониянинг "Барселона" клуби ҳимоячиси Эрик Абидаль шу йилнинг декабр ойида яна футбол майдонига қайтишга умид қилаётганини айтиб ўтди.
Франциялик футболчи апрель ойида оғир жарроҳлик амалиётини бошдан кечирган эди. Франциянинг L'Equipe нашрига интервью берган футболчи, шу йилнинг ўзида катта футболга қайтишни орзу қилаётганини айтиб ўтди.
"Мен декабр ойида яна футболга қайтмоқчиман. Айни пайтда тикланиш жараёнини бошдан кечираяпман. Агар орзуим амаллга ошса бошим кўкка етар эди. Тўп тепишни жуда соғиндим", дейди франциялик футболчи.













