Франция терма жамоаси кетма-кет иккинчи жаҳон чемпионатида ғалаба қозониши мумкин эди. Агар сиз финалнинг натижаси ва драматургиясини кесиб ташласангиз ва таркибга совуққонлик билан қарасангиз, асосий ўйиннинг аксарият қисмида қандай қилиб французлар ёмон кўринишга эга бўлганингизни тушунмайсиз. Улар ҳал қилувчи учрашувга аъло даражада тайёргарлик кўришди. Шу боис ярим финалда Марокаш билан зерикарли ўйин ўтказишди. Мбаппе эса, умуман олганда, чорак финалда дам олди. Уни Англия билан ўйинда қайсидир ҳаракати билан эслаб қолиш қийин эди.
Финалдаги мағлубият бу жамоа учун ҳеч нарсани англатмайди. Кейинги ўн йилда Франция ҳукмронлиги даври бўлади. Бунинг битта, лекин муҳим сабаби бор: Киллиан Мбаппе тез орада расман дунёнинг энг яхши футболчисига айланади. Бугун ҳужумчи 24 ёшга тўлди. 2026 йилги жаҳон чемпионатида у 27 ёшда, 2030 йилги жаҳон чемпионатида эса 31 ёшда бўлади. 2034 йилда - 35. Ва у ҳали терма жамоадаги фаолиятини якунламаса керак. У билан бирга терма жамоага олиб келинаётган яна бир қанча ёш иқтидорлар ҳам бор.
Кеча финалда захирадан майдонга тушганларнинг деярли барчаси асосий юлдуз билан плюс ёки минус бир хил ёшда. Камавинга, Тюрам, Коман, Коло Муани, Конате - буларнинг барчаси таркибдаги акаларининг ўрнини алмаштиришга анчадан бери тайёр.
Тез орада Дешам (агар у термада қолса) Мбаппени ҳужум марказига ўтказишига шубҳа қолмайди. Биз эса Роналдодан кейин терма жамоа даражасидаги энг кучли “тўққизликни” кўришимиз мумкин бўлади. Умуман олганда, француз мураббийи бундай ресурслар билан ўйинни жуда соддалаштиряпти деган фикр бор. Демак, унинг кетишига ҳали эрта. Дешам янги унвонларни олиш учун ҳамма нарсага эга. Ва буни Евро-2024 да амалга оширса бўлади. Унга атиги 18 ой қолди.
Франциянинг йўлига чиқадиган Бразилия бор, дейсиз. Анъанавий равишда ҳар доим тажрибага эга бўлмаган истеъдодлар жуда кўп. Бугунги Франция термасидаги футболчилар совуққон роботга ўхшайди ва улар бир неч йил ичида супер дажарага чиқиши керак.
Бразилияга руҳий жиҳатдан кучли футболчилар етишмаяпти.
Францияда эса улар жуда кўп. Ҳа, Испания уларга қаршилик қилади. Лекин ҳозир бир нарса аниқки, Франция дунёнинг энг мувозанатли жамоаси. Яқин 10 йил ичида Европа ва жаҳон футболи ривожини белгилаб берадиган мукаммал жамоа. Уларда Мбаппе ва унинг бир қанча ёрдамчилари бор.
