Аргентина терма жамоаси бош мураббийи Лионель Скалони ЖЧ-2022да кучли қўллаб-қувватлашгани учун «альбиселесте» мухлисларига миннатдорчилик билдирди.
«Сиз бизнинг расмана 12-футболчимиз бўлдингиз. Барча аргентиналикларнинг орзуси ушалди. Биз сиздан қўллаб-қувватлаганингиз учун абадий миннатдормиз ва сизни бахтли кўрганимиздан хурсандмиз», - деб ёзди Скалони ижтимоий тармоқда.
Эслатиб ўтамиз, аргентиналик мутахассис сўнгги 44 йил ичидаги жаҳон чемпиони бўлган футболчиларнинг энг ёш мураббийига айланди.
Жанубий Американинг энг кучли жамоаси ҳал қилувчи баҳсда Франция терма жамоасини пенальтилар церийасида мағлуб этиб, ўз тарихида учинчи бор жаҳон чемпионлигини қўлга киритди.
