Лондоннинг "Челси" клуби шу ойда Менхенгладбахнинг "Боруссия" клуби ҳужумчиси Маркус Тюрамни сотиб олиши мумкин.

Журналист Санти Аунанинг хабар беришича, "кўклар" аввалроқ жиддий жароҳат олган ва мавсумнинг қолган қисмини ўтказиб юборишга мажбур бўлган Армандо Броянинг ўрнини франциялик футболчи эгаллашини кўриб чиқмоқда.

Агар Тюрам "Боруссия"ни эртароқ тарк этмаса, ёзда эркин агентга айланиши мумкин. Футболчининг шартномаси ниҳоясига етмоқда ва аввалроқ у раҳбариятга ҳамкорликни янгилаш ниятида эмаслигини маълум қилган эди.

Тюрам хизматларига "Челси"дан ташқари "Интер" ва "Манчестер Юнайтед" ҳам қизиқиш билдирмоқда.