"Вулверхэмптон" ва Испания терма жамоаси вингери Адама Траоре "Барселона"даги фаолияти ҳақида фикр билдирди.
"Барса"даги ижара муддати ажойиб эди. Мен ўз шаҳримга қайтиб келдим, оилам ва дўстларимни кўрдим. "Барселона" ўйинчилари ўйинларга қандай тайёргарлик кўришлари, уларнинг менталитети, кийиниш хонасида ўзларини қандай тутишлари ҳақида кўп нарсаларни билиб олдим. Улар менда катта таассурот қолдирди", - деди Траоре АS нашрига.
Траоренинг Каталония клубига қайтиши 2022 йилнинг 29 январида эълон қилинган эди.
Айни дамда испаниялик футболчи АПЛ турнир жадвалида 19-ўринда бораётган "Вулверхэмптон"да ўйнашда давом этмоқда.
