Мадриднинг “Реал” клуби ўз сафида ижара асосида ҳаракат қилаётган “Шахтёр” ҳимоячиси Винисиус Тобиас билан тўлиқ шартнома имзолайди, дея хабар бермоқда Marca.
Манбага кўра, трансфер суммаси 10 миллион евродан кам бўлади. Футболчининг “Шахтёр” билан шартномаси 2026 йилгача амал қилади.
18 ёшли бразилиялик футболчи "Реал"нинг асосий жамоасида ўйнамаган. У "Реал Мадрид Кастилья" ўринбосарлари таркибида 16 та ўйинда майдонга тушди (3 та голли пас), шунингдек, УЕФА Ёшлар лигасида 3 та ўйинда (1 та голли узатма) иштирок этди.