"Челси"дан ижарага олинган "Милан" ярим ҳимоячиси Темуе Бакайоко фаолиятини Туркияда давом эттириши мумкин, дея хабар беради журналист Николо Скира.
Манбага кўра, 28 ёшли франциялик футболчига "Адана Демирспор" даъвогарлик қилмоқда. Томонлар футболчи билан 2026 йилгача мўлжалланган шартнома бўйича келишиб олишган, унга кўра у йилига 3 миллион евро олади.
Бакайоко 2021 йилнинг июнидан бери "Челси"дан ижара асосида "Милан"да ўйнамоқда, келишув 2023 йилнинг июнигача амал қилади.
Жорий мавсумда футболчи итальян клуби таркибида ўйнамаган. Transfermarkt.com Бакайокони 4 миллион еврога баҳоламоқда.
