"Ан-Наср" бош мураббийи Руди Гарсия жамоаси ҳужумчиси Криштиану Роналдунинг фаолияти қандай кечиши ҳақида фикр билдирди.
"Роналду - таркибимизни сифат жиҳатидан яхшилайди, у рақиблар ҳимоячиларига муаммо туғдиради. Бу дунёнинг энг яхши ҳужумчиларидан бири. У фаолиятини "Ан-Наср"да якунлайди деб ўйламайман. Роналду Европага қайтади", - деди Гарсия TalkSPORT билан суҳбатда.
Эслатиб ўтамиз, португалиялик футболчи ўтган ҳафта охирида Саудия Арабистони чемпионати доирасидаги "Ал-Иттифоқ" билан учрашувда "Ан-Наср" сафида дебют қилган эди. Кейин Криштиану жамоасининг 1:0 ҳисобида ғалаба қозонишига ёрдам берди. Саудия Арабистони Суперкубоги учун "Ал-Иттиҳод" билан ўйинда "Ан-Наср" 1:3 ҳисобида мағлуб бўлди. Иккала учрашувда ҳам Роналду самарали ҳаракатлари билан ажралиб турмади.
