Жон Стоунз жароҳати туфайли тез орада "Манчестер Сити"да ўйнай олмайди.

Бош мураббий Пеп Гвардиола ҳимоячи уч ҳафтадан бир ойгача майдонга тушмаслигини айтди.

Футболчи “шаҳарликлар” Англия кубоги доирасида “Арсенал”га қарши ўйиннинг биринчи бўлимида (1:0) жароҳат олди. Маълумотга қараганда, сонининг орқа қисмидан жароҳат олган.

Шу тариқа, Стоунз "Манчестер Сити"нинг "Тоттенхэм", "Арсенал"га, шунингдек, февраль ойида Чемпионлар лигаси доирасидаги "Лейпциг" жамоасига қарши ўйинларини ўтказиб юборади.

Стоунз жорий мавсум “Сити” сафида 17 та ўйинда майдонга тушиб, 1 та гол урди, 2 та голга ассистентлик қилди ва 1 та сариқ карточка олди.