"ПСЖ" устози Кристоф Галтье Юлиан Нагельсманннинг Килиан Мбаппе ҳақидаги сўзларига изоҳ берди.
Яқинда "Бавария" бош мураббийи "ПСЖ"нинг Мбаппенинг жароҳати ҳақидаги хабари ёлғон бўлиши мумкинлигини айтганди.
Аввалроқ, "ПСЖ" ҳужумчиси "Монпелье"га қарши (3:1) Лига 1 учрашувида чап оёғининг сон пайини жароҳатлаб, уч ҳафтага сафдан чиққани маълум бўлганди. У 14 февраль куни "Бавария"га қарши Чемпионлар лигаси 1/8 финал биринчи ўйинини ўтказиб юборади.
"Мен унга жавоб беришим шарт эмас. Мен унинг шарҳларини ўқидим, ҳаммаси шу. Бундай хатти-ҳаракатлар клуб услубига ва умуман менинг услубимга тўғри келмайди ", деди Галтье Canal+ берган интервьюсида.
