"Челси" ҳужумчиси Пьер-Эмерик Обамеянгга "Милан" ва "Атлетико" клублари қизиқиш билдирмоқда. Клублар габонлик 33 ёшли ҳужумчини қишда сотиб олмоқчи эди, бироқ ФИФА тақиқи туфайли келишув амалга ошмай қолди, деб хабар беради Evening Standard.
Манбага кўра, Обамеянгнинг "Милан" ёки "Атлетико"га ўтиши регламент туфайли амалга ошмай қолган. Унда айтилишича, футболчига бир мавсум давомида иккитадан ортиқ жамоада ўйнаш тақиқланади. Жорий мавсумда ҳужумчи "Барселона" ва "Челси"да ўйнашга муваффақ бўлган, шунинг учун у янги жамоага ўтса, мавсум охиригача ўйнай олмайди.
Обамеянг жорий мавсумда барча турнирларда 17 та ўйинда майдонга тушиб, 3 та гол урди ва 2 та голли узатмани амалга оширди. У 2022 йил сентябрида "Челси"га ўтганди.
