"Челси" жамоа менталитетини ўзгартириш учун етакчиликни ривожлантириш бўйича мутахассис ёллади.
The Telegraph нашрининг ёзишича, 22 йил давомида Янги Зеландия регби жамоаси аъзоларида етакчилик ва ақлий қобилиятларни ривожлантириб келаётган Жилберт Энока эндиликда Лондон клуби футболчилари билан ишлайди.
Қайд этилишича, бу тўлиқ ҳамкорлик эмас, балки қисқа муддатли консалтинг хизматлари бўлади.
Энока нафақат регби, балки крикет ва нетболда ҳам ишлаган. "Челси" билан ишлаш унинг футболдаги илк тажрибаси бўлади. Тодд Боули бошчилигидаги клубнинг янги хўжайинлари Энокадан "Челси"да янги маданиятни ривожлантиришга ва футболчиларда ғалаба қозониш менталитетини ривожлантиришга ёрдам беришини кутишмоқда.
Энока ишлаган жамоаларда "аҳмоқсизлик" сиёсати мавжуд. Жилберт "ўзини жамоадан устун қўядиган ва бирор нарсага ҳақли деб ўйлайдиган ёки қоидалар улар учун алоҳида бўлишини кутадиганларни" "эшаклар" деб атаганини тушунтирди.
Энока билан бирга Янги Зеландия регби жамоаси кетма-кет икки марта Жаҳон кубоги ғолиби (2011, 2015) каби муҳим муваффақиятларга эришди.
