"Chelsi" jamoa mentalitetini o‘zgartirish uchun yetakchilikni rivojlantirish bo‘yicha mutaxassis yolladi.

The Telegraph nashrining yozishicha, 22 yil davomida Yangi Zelandiya regbi jamoasi a’zolarida yetakchilik va aqliy qobiliyatlarni rivojlantirib kelayotgan Jilbert Enoka endilikda London klubi futbolchilari bilan ishlaydi.

Qayd etilishicha, bu to‘liq hamkorlik emas, balki qisqa muddatli konsalting xizmatlari bo‘ladi.

Enoka nafaqat regbi, balki kriket va netbolda ham ishlagan. "Chelsi" bilan ishlash uning futboldagi ilk tajribasi bo‘ladi. Todd Bouli boshchiligidagi klubning yangi xo‘jayinlari Enokadan "Chelsi"da yangi madaniyatni rivojlantirishga va futbolchilarda g‘alaba qozonish mentalitetini rivojlantirishga yordam berishini kutishmoqda.

Enoka ishlagan jamoalarda "ahmoqsizlik" siyosati mavjud. Jilbert "o‘zini jamoadan ustun qo‘yadigan va biror narsaga haqli deb o‘ylaydigan yoki qoidalar ular uchun alohida bo‘lishini kutadiganlarni" "eshaklar" deb ataganini tushuntirdi.

Enoka bilan birga Yangi Zelandiya regbi jamoasi ketma-ket ikki marta Jahon kubogi g‘olibi (2011, 2015) kabi muhim muvaffaqiyatlarga erishdi.