«Barselona» futbolchisi Lamin Yamal va uning sevgilisi Ines Garsia o‘rtasidagi munosabatlar yangi bosqichga ko‘tarildi.
Jurnalist Sandra Aladroning ma’lum qilishicha, bloger Ispaniya terma jamoasi yulduzining uyiga ko‘chib o‘tgan.
«U Talavera-de-la-Reynadagi uyini tark etib, Laminning oldiga ko‘chib o‘tdi. Ular juda baxtli. Lamin uning butun oilasini taniydi va ularni tug‘ilgan kuniga ham taklif qilgan. U Inesni aqldan ozar darajada sevib qolgan», — dedi Aladro «Vamos a ver» dasturida.
Ayni paytda Yamal Jerar Pike va Shakira avval yashagan qarorgohda istiqomat qilmoqda.
«Bu uy bir nechta oila yashashi uchun moslashtirilgan. Deyarli har kuni uning oldiga amakivachchasi yoki boshqa qarindoshlaridan biri mehmon bo‘lib keladi. Ehtimol, uning maqsadi barcha yaqinlarini atrofida jamlashdir», — deya qo‘shimcha qildi Aladro.
