«Manchester Yunayted» yoshlar jamoasi hujumchisi Jey-Jey Gabriel muhitni o‘zgartirishga qaror qildi.
15 yoshli futbolchi yaqin orada «qizil iblislar» safini tark etmoqchi. Sport nashriga tayanib Transfer News Live xabar berishicha, ingliz futbolchisi va uning atrofidagilar keyingi rivojlanish uchun eng yaxshi variant Ispaniyaga ko‘chib o‘tish bo‘ladi degan to‘xtamga kelishgan. Hozirda ushbu porloq iqtidorga eng jiddiy qiziqishni «Barselona» bildirmoqda. Biroq, Madridning «Real» klubi ham kurashdan chiqgani yo‘q va agar jozibador taklif bildirsa, o‘yinchini o‘z tomoniga og‘dirib olishi mumkin.
Mavjud ma’lumotlarga ko‘ra, Jey-Jey Gabriel «Manchester Yunayted»ning klub tuzilmasidan hafsalasi pir bo‘lgan va shu sababli ketishga qaror qilgan.
