«Barselona» hujumchisi Entoni Gordon «Oltin to‘p» uchun kurash haqida fikr bildirdi.

Uning fikricha, sovrin Lamin Yamal yoki Xarri Keyndan biriga nasib etishi kerak.

«Erishgan yutuqlariga qarasak, men uchun sovrin shu ikki futbolchidan biriga berilishi kerak.

Yamalning shunday yoshda erishgan natijalari hayratlanarli. U ajoyib futbolchi. Hozir u butunlay boshqa darajada. 19 yoshida qilayotgan ishlari aql bovar qilmas darajada.

Ammo o‘tgan mavsum haqida gapiradigan bo‘lsak, Keynning ham «Oltin to‘p» uchun kuchli dalillari bor. U tarixiy mavsum o‘tkazdi. Urgan gollari soni va jahon chempionatida biz uchun qilgan ishlarini ham unutmaslik kerak.

Ikkala futbolchining ham sovrin uchun jiddiy asoslari bor. Shuning uchun har ikkisiga ham omad tilayman», — dedi Gordon.

«Oltin to‘p» sovrini 26 oktyabr kuni topshiriladi.