«Манчестер Юнайтед» ёшлар жамоаси ҳужумчиси Жей-Жей Габриэль муҳитни ўзгартиришга қарор қилди.
15 ёшли футболчи яқин орада «қизил иблислар» сафини тарк этмоқчи. Sport нашрига таяниб Transfer News Live хабар беришича, инглиз футболчиси ва унинг атрофидагилар кейинги ривожланиш учун энг яхши вариант Испанияга кўчиб ўтиш бўлади деган тўхтамга келишган. Ҳозирда ушбу порлоқ иқтидорга энг жиддий қизиқишни «Барселона» билдирмоқда. Бироқ, Мадриднинг «Реал» клуби ҳам курашдан чиқгани йўқ ва агар жозибадор таклиф билдирса, ўйинчини ўз томонига оғдириб олиши мумкин.
Мавжуд маълумотларга кўра, Жей-Жей Габриэль «Манчестер Юнайтед»нинг клуб тузилмасидан ҳафсаласи пир бўлган ва шу сабабли кетишга қарор қилган.
