«ПСЖ» ҳужумчиси Дезире Дуэ Чемпионлар лигаси умумий босқичининг 3-турида «Барселона»га қарши ўйиннинг (4:2) энг яхши футболчиси деб топилди. 21 ёшли француз бир гол урди ва битта голли узатмани амалга оширди.
«У майдоннинг марказий ҳудудини тўлиқ назорат қилди. Рақиб дарвозасига яқин ҳудудларда Дуэ ўзининг ҳаракатчанлиги, тўп билан олдинга юришлари, ҳал қилувчи ҳаракатлари ва самарадорлиги билан ажралиб турди. Унинг ҳисобида ўйин тақдирини ҳал қилган гол ва голли узатма бор», — дея таъкидлади УЕФА техник кузатувчилари гуруҳи.
«ПСЖ» 9 очко билан умумий босқич турнир жадвалида биринчи ўринни эгаллаб турибди. «Барселона» эса 6 очко билан бешинчи поғонадан жой олган.
