Marca нашри 2025/2026 йилги мавсумнинг энг яхши футболчилари рейтингини эълон қилди. Рейтинг дунёнинг турли мамлакатларидан 200 нафардан зиёд собиқ футболчи, журналист ва таҳлилчи иштирок этган овоз бериш натижалари асосида тузилган.

Биринчи ўринни «Бавария» ва Англия терма жамоаси ҳужумчиси Ҳарри Кейн эгаллади. Иккинчи поғонадан «Барселона» ва Испания терма жамоаси вингери Ламин Ямаль жой олди. Кучли учликка эса «Реал» ва Франция терма жамоаси ҳужумчиси Килиан Мбаппе якун ясади.

Кейинги ўринларда Родри, Хвича Кварацхелия, Лионель Месси, Фабиан Руис, Майкл Олисе, Усмон Дембеле ва Пау Кубарси жойлашди.

Португалиялик юлдуз Криштиану Роналду рейтингда 33-ўринни эгаллади.

Жами 100 нафар футболчи ўрин олган рўйхатнинг 99-поғонасидан эса «Краснодар»нинг собиқ сардори Эдуард Сперцян жой олди.

Marca нашри талқинига кўра, 2025/2026 йилги мавсумнинг кучли ўнлиги:

1. Ҳарри Кейн («Бавария»)

2. Ламин Ямаль («Барселона»)

3. Килиан Мбаппе («Реал»)

4. Родри

5. Хвича Кварацхелия

6. Лионель Месси

7. Фабиан Руис

8. Майкл Олисе

9. Усмон Дембеле

10. Пау Кубарси