Италия матбуоти "Комо" ярим ҳимоячиси Нико Паснинг Чемпионлар лигасида "Манчестер Юнайтед"га қарши учрашувдаги ўйинига юқори баҳо берди.
Сеск Фабрегас бошчилигидаги жамоа Англия клубини 4:1 ҳисобида тор-мор этди. Аргентиналик футболчи иккита гол уриб, битта голли узатмани амалга оширди.
"Дриблинг, алдамчи ҳаракатлар ва энг юқори савиядаги ўйин. Пас бир зум ҳам суръатни пасайтирмади", — деб ёзди Calciomercato нашри.
ViSport эса аргентиналик ярим ҳимоячини "майдондаги энг яхши футболчи" деб эътироф этди.
"Эҳтимол, у Аргентинада биринчи рақамли футболчига айланар. Николас майдонда ҳукмронлик қилмоқда, ҳолбуки у эндигина 22 ёшда", — дейилади TMW нашридаги мақолада.
Паснинг ўйинини Мадриднинг "Реал" клуби ҳам диққат билан кузатмоқда. "Қаймоқранглилар" футболчини қайта сотиб олиш ҳуқуқидан фойдаланиб, уни "Сантьяго Бернабеу"га қайтаришлари мумкин.
