Madrid «Atletiko»si hujumchi Xulian Alvares faqatgina «Arsenal» 150 million yevro miqdorida taklif yuborsagina yozda jamoani tark etishi mumkin deb hisoblaydi — hozircha bunday taklif yo‘q va klub inglizlar bu summani to‘lashga tayyorligiga shubha qilmoqda. Bu haqda The Athletic xabar bermoqda.

Manba ma’lumotlariga ko‘ra, «Arsenal» hujumchiga uzoq vaqtdan beri qiziqish bildirib kelmoqda. Avvalroq «Real» Alvaresning transferi uchun 150 million yevro taklif qilgani, biroq «Atletiko» uni rad etganini ma’lum qilgandi. Shu bilan birga, «matraschilar» o‘sha taklifning jiddiyligiga shubha bilan qarashgan.

Yakshanba kuni, 23 avgustda Alvares yangi mavsumda madridliklar safida ilk bor maydonga tushdi. 26 yoshli argentinalik La Liga 2-turi doirasida o‘z maydonida «Vilyarreal»ga qarshi o‘tgan bahsda (2:2) ikkinchi bo‘limda zaxiradan maydonga qo‘shildi. Futbolchining qaytishi muxlislarning salbiy munosabati bilan kutib olindi — «Atletiko» fanatlari deyarli butun o‘yin davomida Alvaresni hushtakbozlik qilib qarshi olishdi.