"Brayton" yarim himoyachisi Karlos Baleba yozgi transfer oynasida klubini almashtirish arafasida. 22 yoshli kamerunlik futbolchi "Manchester Yunayted" safiga qo‘shilishi kutilmoqda.

So‘nggi ma’lumotlarga ko‘ra, "Manchester Yunayted" va "Brayton" transfer bo‘yicha kelishuvga erishgan. Bitim qiymati 65 mln funt va yana 5 mln funt miqdoridagi bonuslarni tashkil etadi. "Brayton" kelajakdagi transferdan ulush olish huquqini ham saqlab qoladi.

Baleba "qizil iblislar" safida tibbiy ko‘rikdan ham muvaffaqiyatli o‘tgani xabar qilinmoqda. Futbolchi bilan besh yillik shartnoma imzolanishi kutilmoqda.

Kamerunlik futbolchi o‘tgan mavsumda "Brayton" safida Angliya Premyer-ligasida 31 ta uchrashuvda ishtirok etgan.

Baleba 2023 yildan buyon "Brayton" sharafini himoya qilib kelmoqda. Ungacha futbolchi Fransiyaning "Lill" klubida to‘p surgan.