"Брайтон" ярим ҳимоячиси Карлос Балеба ёзги трансфер ойнасида клубини алмаштириш арафасида. 22 ёшли камерунлик футболчи "Манчестер Юнайтед" сафига қўшилиши кутилмоқда.
Сўнгги маълумотларга кўра, "Манчестер Юнайтед" ва "Брайтон" трансфер бўйича келишувга эришган. Битим қиймати 65 млн фунт ва яна 5 млн фунт миқдоридаги бонусларни ташкил этади. "Брайтон" келажакдаги трансфердан улуш олиш ҳуқуқини ҳам сақлаб қолади.
Балеба "қизил иблислар" сафида тиббий кўрикдан ҳам муваффақиятли ўтгани хабар қилинмоқда. Футболчи билан беш йиллик шартнома имзоланиши кутилмоқда.
Камерунлик футболчи ўтган мавсумда "Брайтон" сафида Англия Премьер-лигасида 31 та учрашувда иштирок этган.
Балеба 2023 йилдан буён "Брайтон" шарафини ҳимоя қилиб келмоқда. Унгача футболчи Франциянинг "Лилль" клубида тўп сурган.
