Madridning «Real» klubi hujumchisi Kilian Mbappe Maykl Olisening Ispaniyaga ko‘chib o‘tishi mumkinligi haqidagi gap-so‘zlarga o‘z munosabatini bildirdi.
O‘tgan yozda turli manbalar fransuz vingerining «qirollik» klubiga o‘tish uchun «Bavariya»ni tark etish istagi borligi haqida xabar berishgan edi. Ehtimoliy bitim Florentino Peres uchun «orzudagi transfer» deb atalgandi.
«Men bu xabarlarni eshitdim. Menda ham shunga o‘xshash holat bo‘lgan: «PSJ»da o‘ynab yurganimda matbuotda sanoqsiz xabarlar paydo bo‘lardi. Menimcha, agar Olisega ketishni maslahat bersam, bu «Bavariya»ga nisbatan hurmatsizlik va noto‘g‘ri ish bo‘lar edi. Ayniqsa, «Bavariya» Maykl juda ko‘p narsaga erishishi mumkin bo‘lgan buyuk klub ekanini hisobga olsak. Albatta, hamma uni o‘z jamoasida ko‘rishni xohlardi. U juda ajoyib o‘yinchi», — deydi Mbappe so‘zlarini Bayern & Germany.
Maykl Olisening myunxenliklar grandi bilan amaldagi shartnomasi 2029 yilning o‘rtalarigacha mo‘ljallangan.
