Мадриднинг «Реал» клуби ҳужумчиси Килиан Мбаппе Майкл Олисенинг Испанияга кўчиб ўтиши мумкинлиги ҳақидаги гап-сўзларга ўз муносабатини билдирди.

Ўтган ёзда турли манбалар француз вингерининг «қироллик» клубига ўтиш учун «Бавария»ни тарк этиш истаги борлиги ҳақида хабар беришган эди. Эҳтимолий битим Флорентино Перес учун «орзудаги трансфер» деб аталганди.

«Мен бу хабарларни эшитдим. Менда ҳам шунга ўхшаш ҳолат бўлган: «ПСЖ»да ўйнаб юрганимда матбуотда саноқсиз хабарлар пайдо бўларди. Менимча, агар Олисега кетишни маслаҳат берсам, бу «Бавария»га нисбатан ҳурматсизлик ва нотўғри иш бўлар эди. Айниқса, «Бавария» Майкл жуда кўп нарсага эришиши мумкин бўлган буюк клуб эканини ҳисобга олсак. Албатта, ҳамма уни ўз жамоасида кўришни хоҳларди. У жуда ажойиб ўйинчи», — дейди Мбаппе сўзларини Bayern & Germany.

Майкл Олисенинг мюнхенликлар гранди билан амалдаги шартномаси 2029 йилнинг ўрталаригача мўлжалланган.