«Ливерпуль» мавсумни унчалик яхши бошламади ва таркибни кучайтириш ҳақида ўйламоқда. Мерсисайд клуби «Барселона»дан Френки де Йонгни ярим ҳимояга олиб келишни қизиқарли вариант деб ҳисобламоқда.
Каталонияликлар де Йонг трансфери учун очиқ, аммо у учун камида 65 миллион евро олмоқчи. «Ливерпуль» бу суммани ошириб юборилган деб ҳисоблайди.
El Nacional нашрининг Fanatik’га таяниб хабар беришича, «Ливерпуль» Френки де Йонг бўйича битимга ўз футболчиси — Флориан Вирцни қўшмоқчи. Бундай ҳолда ҳатто «Барселона»нинг ўзи инглизларга қўшимча пул тўлашига тўғри келади.
Қайд этилишича, «Ливерпуль»да ҳеч ўзини кўрсата олмаётган Вирц «Барселона» бош мураббийи Ханс-Дитер Фликка маъқул келади. Тоғри, каталонияликларда ушбу позицияда бир нечта ўйинчи бор ва «Ливерпуль»нинг таклифи уларни қониқтириши аниқ эмас.
