«Liverpul» mavsumni unchalik yaxshi boshlamadi va tarkibni kuchaytirish haqida o‘ylamoqda. Mersisayd klubi «Barselona»dan Frenki de Yongni yarim himoyaga olib kelishni qiziqarli variant deb hisoblamoqda.
Kataloniyaliklar de Yong transferi uchun ochiq, ammo u uchun kamida 65 million yevro olmoqchi. «Liverpul» bu summani oshirib yuborilgan deb hisoblaydi.
El Nacional nashrining Fanatik’ga tayanib xabar berishicha, «Liverpul» Frenki de Yong bo‘yicha bitimga o‘z futbolchisi — Florian Virsni qo‘shmoqchi. Bunday holda hatto «Barselona»ning o‘zi inglizlarga qo‘shimcha pul to‘lashiga to‘g‘ri keladi.
Qayd etilishicha, «Liverpul»da hech o‘zini ko‘rsata olmayotgan Virs «Barselona» bosh murabbiyi Xans-Diter Flikka ma’qul keladi. Tog‘ri, kataloniyaliklarda ushbu pozisiyada bir nechta o‘yinchi bor va «Liverpul»ning taklifi ularni qoniqtirishi aniq emas.
