"Бавария" ҳужумчиси Харри Кейн фаолиятини қаерда давом эттиришни хоҳлаётгани маълум бўлди.
Football Insider хабарига кўра, "Манчестер Юнайтед" томонидан қизиқиш ортиб бораётганига қарамай, Кейн учун асосий устувор йўналиш "Бавария"да қолиш ҳисобланади.
33 ёшли ҳужумчи Мюнхенда ўзини бахтли ҳис қилмоқда ва клуб билан янги уч йиллик шартнома бўйича музокараларни давом эттирмоқда.
Эслатиб ўтамиз, "Манчестер Юнайтед" Кейн "Тоттенхэм" сафида ўйнаган пайтида ҳам уни сотиб олишга уринган эди. Бироқ "шпорлар" раҳбарияти асосий тўпурарини тўғридан-тўғри рақибга сотишдан бош тортган. Шундан сўнг Кейн "Бавария"га кўчиб ўтган.
Жорий мавсумда Кейн барча мусобақаларда 7 та учрашув ўтказиб, 6 та гол урди ва 1 та голли узатмани амалга оширди.
