Лондоннинг "Челси" клуби дарвозабони Эмилиано Мартинес Англия чемпионати доирасида "Эвертон"га қарши ўтказилган учрашувда жароҳат олиб, майдонни муддатидан аввал тарк этган эди. Аргентиналик посбон тўқнашув оқибатида жағ суягини синдириб олган ва энди жарроҳлик амалиётини бошдан кечиради.
Журналист Сесар Луис Мерлонинг ижтимоий тармоқларда хабар беришича, жаҳон чемпиони камида 40 кунга сафдан чиққан.
Эслатиб ўтамиз, кеча бўлиб ўтган учрашувда "Челси" сафарда "Эвертон"ни 2:0 ҳисобида мағлуб этган эди.
34 ёшли Мартинес жорий Англия Премьер-лигаси мавсумида олтита учрашувда майдонга тушиб, ўз дарвозасидан 11 та гол ўтказиб юборган.
Айни пайтда "Челси" 13 очко жамғарган ҳолда Англия чемпионати турнир жадвалида тўртинчи ўринни эгаллаб турибди.
