"Барселона" ноқулай об-ҳаво шароити туфайли Севильядан учиб кетишни кечиктиришга мажбур бўлди.
Шанба куни каталонияликлар Испания Ла Лигасининг 9-тури доирасида маҳаллий "Бетис" клубини 5:2 ҳисобида мағлуб этди. "Кўк-анорранглилар" учрашув якунланганидан сўнг, ўша куни кечқурун уйга қайтишни режалаштирган эди.
Бироқ Барселонада кузатилган кучли бўрон ва момақалдироқ сабабли жамоанинг авиарейси кейинга қолдирилди. Бу ҳақда The Touchline хабар бермоқда. Натижада футболчилар тунни Севильядаги меҳмонхонада ўтказишга мажбур бўлишди.
Ҳанс-Дитер Флик шогирдлари 20 октябрь, сешанба куни Чемпионлар лигаси доирасида "ПСЖ"га қарши майдонга тушади. Парижда бўлиб ўтадиган учрашув Тошкент вақти билан соат 00:00 да, 21 октябрга ўтар кечаси бошланади.
Қайд этиш жоиз, "Барселона" жорий мавсумда барча мусобақалар доирасида ўтказган 11 та учрашувнинг барчасида ғалаба қозонган.
