Give Me Sport портали 2026 йилги "Олтин тўп"ни қўлга киритиш учун фаворитлар рейтингини янгилади.
Портал талқинига кўра, совринни қўлга киритиш учун энг юқори имконият "Барселона" ва Испания терма жамоаси вингери Ламин Ямалда.
Қизиғи, ўтган ҳафта Ямал интервью бериб, "Олтин тўп"ни топшириш мезонлари ҳақида фикр билдирган эди. 19 ёшли футболчининг айтишича, соврин мухлислар кузатишни яхши кўрадиган, энг ёрқин футболчига берилиши керак.
Ямал титуллар ва голлар учун бошқа совринлар мавжудлигини, "Олтин тўп"ни эса фақат шу кўрсаткичларга боғлаб қўйиш тўғри эмаслигини таъкидлаган.
Рейтингнинг иккинчи поғонасидан "Бавария" сафида юқори натижадорлик кўрсатган ва кейин Англия терма жамоаси билан жаҳон чемпионатида учинчи ўринни эгаллаган Гарри Кейн жой олди.
Учинчи ўрин Родрига насиб этди. Испаниялик ярим ҳимоячи 2024 йилда "Олтин тўп"ни қўлга киритган эди. Ўтган ёзда у жаҳон чемпионатининг энг яхши футболчиси деб топилган.
Топ-10 рейтинг қуйидагича:
-
Ламин Ямал
-
Харри Кейн
-
Родри
-
Килиан Мбаппе
-
Лионель Месси
-
Усман Дембеле
-
Майкл Олисе
-
Жуд Беллингем
-
Деклан Райс
-
Хвича Кварацхелия
"Олтин тўп" соҳибининг номи 26 октябрь куни Лондонда эълон қилинади.
Сўнгги йилларда ташкилотчилар ғолиб номи маросимга қадар сир сақланишига ҳаракат қилмоқда. Авваллари эса соврин эгаси ғалабасини олдиндан билар, France Football учун интервью берар ва фотосессияда иштирок этар эди. Шу сабабли натижа кўпинча матбуотга олдиндан сизиб чиқарди.
