"Барселона" бош мураббийи Ҳанс-Дитер Флик Испания чемпионатида "Реал" ва "Севилья" ўртасидаги учрашувда юз берган баҳсли вазиятга муносабат билдирди.

Ла Лиганинг 9-туридан ўрин олган баҳс мадридликларнинг 4:1 ҳисобидаги ғалабаси билан якунланди. Бироқ учрашувнинг 25-дақиқасида содир бўлган эпизод муҳокамаларга сабаб бўлди.

Майдон марказида "Реал" ярим ҳимоячиси Арда Гюлер "Севилья" футболчиси Пекенинг ҳаракатига жавобан қўлини силтаб, унга зарба берган. Вазият VAR томонидан кўриб чиқилган, аммо ҳакамлар қоидабузарлик қайд этишмаган.

Мазкур эпизод юзасидан фикри сўралган "Барселона" устози батафсил изоҳ беришни истамади.

"Бу менинг ишим эмас", — дея Фликнинг сўзларини келтиради AS нашри.

Эслатиб ўтамиз, "Реал" ушбу баҳсда Арда Гюлер, Килиан Мбаппенинг дубль ва Диоманденинг голлари эвазига 4:1 ҳисобида ғалаба қозонди. "Севилья"нинг ягона голига Буэно муаллифлик қилди.

Испания чемпионатида тўққизта турдан кейин "Барселона" 27 очко билан пешқадамлик қилмоқда. "Реал" 21 очко билан учинчи, "Севилья" эса 14 очко билан олтинчи ўринда бормоқда.