«Manchester Siti» Angliya Premyer-ligasining moliyaviy qoidalarini buzganlikda ayblanganidan so‘ng, jamoa yetakchilari klubni tark etishi mumkinligi haqida xabarlar tarqaldi.
Shu munosabat bilan «Bavariya» bosh direktori Yan-Kristian Drizendan myunxenliklarga yulduz hujumchi Erling Holand kerakmi, deb so‘rashdi.
«Bizning safimizda dunyoning eng yaxshi hujumchisi Xarri Keyn bor. Shuningdek, Yevropadagi eng kuchli hujum chizig‘iga egamiz. Shu bois bu masalani hatto muhokama qilishga ham hojat yo‘q», — deya Drizenning so‘zlarini keltirmoqda Die Welt nashri.
