Madridning "Real" klubi darvozaboni Tibo Kurtua kasalligi sabab ishtirok eta olmagan "el-klasiko" haqida fikr bildirdi.
O‘tgan yakshanba kuni "Barselona"ga qarshi bo‘lib o‘tgan bahsda "qaymoqranglilar" darvozasini Andrey Lunin qo‘riqladi. Belgiyalik darvozabon aynan o‘zining o‘rinbosarini "Kamp Nou"dagi uchrashuv qahramoni deb atadi.
"Lunin biz uchun "el-klasiko"da g‘alaba qozonib berdi", — deya maydonga qaytgan Kurtuaning "Rasing" ustidan qozonilgan 3:0 hisobidagi g‘alabadan keyingi so‘zlarini keltirmoqda Madrid Xtra.
Eslatib o‘tamiz, "Real" Kilian Mbappening dubllari evaziga "Barselona"ni 2:1 hisobida mag‘lub etgan edi.
3 noyabr, chorshanba kuni Joze Mourinyu shogirdlari Chempionlar ligasida Gresiyaning AYEK klubiga qarshi bahs olib borishadi. Uchrashuv Toshkent vaqti bilan 00:45 da boshlanadi.
