"Бавария" бош мураббийи Томас Тухель "Наполи" ҳужумчиси Виктор Осимхеннинг жамоага эҳтимолий трансфери ҳақида фикр билдирди. Эслатиб ўтамиз, келаси ёзда Мюнхен клуби А Сериянинг энг яхши тўпурарини қўлга киритишга ҳаракат қилади.
“Бу борада ўз фикрим бор, лекин вазият қандайлигини биламан. Агар бу ҳақда бирор нарса десам, италиялик ҳамкасбим: "Нега Томас оғзини юммайди?" дейди. Шу боис бошқа клуб футболчилари ҳақида гапирмайман”, - деди Тухель матбуот анжуманида.
Осимхен - "Бавария" учун ҳужумчи позициясини мустаҳкамлаш учун устувор вариант. Нигериялик футболчи А Серияда жорий мавсумда 21 та гол урди.
