"Интер" ҳужумчи Лаутаро Мартинесни ёзда "Манчестер Юнайтед"га сотишга тайёр, дея хабар бермоқда Football Insider нашри.
Милан клуби 25 ёшли аргентиналик футболчи учун тахминан 70 миллион фунт талаб қилади ва ушбу маблағларни ёзда амалга оширилиши кутилаётган трансферларга сарфламоқчи.
"Манчестер Юнайтед" агар "Тоттенхэм" ҳужумчиси Харри Кейнни қўлга кирита олмаса, Лаутаро вариантини кўриб чиқмоқда. Лондонликлар ўз футболчиси учун 100 миллион фунт сўрамоқда, шунинг учун трансфер амалга ошмай қолиши мумкин.
"Манчестер Юнайтед" бош мураббийи Эрик тен Хаг Мартинесни ўзининг ўйин тизими учун идеал ҳужумчи деб ҳисоблайди.
Қайд этилишича, Лаутарони "Реал" ва "Арсенал" ҳам кузатиб бормоқда.
Жорий мавсумда футболчи клуб сафида 47 та ўйинда майдонга тушиб, 21 та гол урди ва 8 та голли узатмани амалга оширди.
