"Ювентус" бош мураббийи Массимилиано Аллегри Поль Погбанинг навбатдаги жароҳати ҳақидаги саволга жавоб берди.
Бугун "Кремонезе"га қарши ўйинда (2:0) ярим ҳимоячи "Ювентус"га қайтганидан кейин биринчи марта асосий таркибда майдонга тушди, бироқ 22-дақиқада жароҳат туфайли алмаштирилди.
"Бизнинг жуда ҳафсаламиз пир бўлди, чунки бу воқеа содир бўлгунга қадар ўзини ажойиб тарзда кўрсатаётган эди. У кўп нарсаларни бошдан кечирди, олдинги жароҳатларини даволади ва энди, афсуски, у яна тўхташи керак. У катта ва етук инсон бўлиб, у бу қийинчиликларни енгиб ўтади. Биз унинг қайтишини кутамиз”, - деди "бьянконерилар" бош мураббийи.
