"Лион" ҳужумчиси Мусса Дембеле ёзги трансфер ойнасида Франкфуртнинг "Айнтрахт"ига ўтиши мумкин.
Хабарларга кўра, "Айнтрахт" аллақачон Дембеле вакиллари билан йиғилиш ўтказган. Музокаралар ижобий ўтди. Ҳужумчи мавсум якунида, шартномаси тугагач, “Лион”ни тарк этишга қарор қилди. Франкфуртнинг "Айнтрахт" клуби ёзда немис жамоасини тарк этиши мумкин бўлган ҳужумчи Рандал Коло Муани ўрнига Дембелени қўлга киритмоқчи.
"Айнтрахт Франкфурт" - бу Бундеслиганинг ажойиб клуби, жуда катта мухлислар базаси. Биз бу вариантни кўриб чиқяпмиз”, - деди Дембеленинг агенти Мамади Фофана.
26 ёшли Дембеле жорий мавсумида 28 учрашувда 3 та гол урди ва битта голли узатмани амалга оширди.
