"Реал" ярим ҳимоячиси Лука Модрич асосий таркибдаги доимий ўрнини йўқотиши мумкин.
37 ёшли хорватиялик футболчи клуб билан келаси мавсум охиригача янги шартнома тузишга рози бўлди, бироқ янги мавсум бошидан тажрибали футболчининг роли ўзгариши мумкин: Bild хабарига кўра, "Реал Мадрид" раҳбарияти аллақачон бу ҳақда гаплашиб бўлган.
Модрич Жуд Беллингемнинг трансфери амалга ошса, унга асосий таркибдан жой олиш имкони пасайишини билиб турибди.
Жорий мавсумда Лука "қаймоқранглилар" сафида 48 та ўйин ўтказиб, 6 та гол ва 6 та голли узатмани амалга оширган.
