“Интер” ҳужумчиси Хоакин Корреа жароҳати сабаб “Манчестер Сити”га қарши Чемпионлар лигаси финалида иштирок эта олмаслиги мумкин.

Аргентиналик футболчи А Сериянинг сўнгги икки ўйинида “Аталанта” (27-май) ва “Торино” (4-июн)га қарши ўйинда “нерадзурри”га ёрдам бермаслиги кутилмоқда.

Бундан ташқари, La Gazzetta dello Sport хабарига кўра, 28 ёшли ҳужумчи Англиянинг "Манчестер Сити" жамоасига қарши 10 июн куни бўлиб ўтадиган Чемпионлар лигаси финал учрашувида иштирок эта олмаслиги хавфи остида.

Жоакин Корреа Симоне Инзаги жамоаси сафида жорий мавсумдаги барча мусобақаларда 41 ўйинда 4 та гол ва 3 та голли узатмага муаллифлик қилган.