"Челси" ярим ҳимоячиси Нони Мадуэке мавсум якунланганидан кейин "кўклар"нинг мухлисларига мурожаат қилди.
У яқин келажакда жамоасининг албатта муваффақият қозонишига ишонади.
"Биринчи дақиқаданоқ ўзимни уйдагидек ҳис қилишга шароит яратганингиз учун ташаккур. Келгуси мавсум "Челси" учун бошқача бўлади, мен бунга аминман.
Мен жамоамизнинг муваффақиятига шубҳа қилмайман, у бунга лойиқ. Эҳтиёт бўлинг, рақиблар! тез орада "Стэмфорд Бриж"да кўришгунча", - деб ёзди Мадуэке ижтимоий тармоқдаги саҳифасида.
Мадуэке "Челси"га январь ойида "ПСВ" Эйндховендан келиб қўшилган эди. Нони Англия премьер-лигасида битта гол уришга муваффақ бўлди.
