"Манчестер Сити" вингери Риёд Маҳрез тез орада Саудия Арабистонига кўчиб ўтиши мумкин.
Маҳаллий "Ал-Аҳли" (Жидда) клуби жазоирлик футболчи билан боғланиб, унга катта маош билан 3 йиллик шартнома таклиф қилган. Бу ҳақда журналист Николо Скира ижтимоий тармоқларда хабар бермоқда.
Маҳрез ўтган мавсумда "Манчестер Сити"нинг асосий таркибидаги ўрнини йўқотди, шунинг учун футболчи кетиш ҳақида ўйламоқда. Бироқ, Хосеп Гвардиола жамоаси билан яна икки йиллик шартномаси бор, шунинг учун "Ал-Аҳли" Риёд учун маълум миқдорда товон тўлаши керак бўлади.
Маҳрез ўтган мавсумда Англия Премьер-лигасида 5 та гол урди ва 10 та голли узатмани амалга оширди.