"Расинг Монтевидео" ҳимоячиси Сантьяго Моуриньо Испания чемпионатига ўтди. "Атлетико Мадрид" 21 ёшли уругвайлик футболчи билан шартнома имзолади. Бу ҳақда "матрасчилар"нинг расмий сайти хабар бермоқда.
Томонлар 2028 йилнинг июнь ойи охиригача амал қиладиган узоқ муддатли шартнома туздилар.
Сантьяго ўтган мавсумда "Расинг Монтевидео" сафида барча мусобақаларда 14 та ўйинда майдонга тушди. Моуриньо Уругвай терма жамоасига чақирилган, аммо майдонга тушмаган.
Эслатиб ўтамиз, "Атлетико" куни кеча қанот ҳимоячиси Сезар Аспиликуэтани ўз сафига қўшиб олди.
