"Ювентус" ўзининг расмий сайти орқали Кристиано Жунтоли келганини эълон қилди. Бунгача бу мутахассис "Наполи" спорт директори лавозимида ишлаган.
"Кристианога омад ва "Ювентус"га хуш келибсиз", - дейилади Турин клуби матбуот хизматида.
Кристиано Жунтоли “Наполи”да 2015 йилдан ишлаб келаётганди. Бу даврда клуб бир қанча сифатли трансферларни амалга оширди. Бу муваффақият “Наполи”га 2022/2023 йилги мавсумда Италия чемпиони бўлишига имкон берди. Неаполликлар 1990 йилдан бери биринчи марта чемпионликни қўлга киритишди.
Эслатиб ўтамиз, "Ювентус" Италиянинг сўнгги чемпионатида еттинчи ўринни эгаллаган эди.
