"Лидс" ўзининг расмий сайтида ҳимоячи Диего Льоренте 2023/2024 йилги мавсумни "Рома"да ижара асосида ўтказишини эълон қилди.
Льоренте 2022/2023 йилги мавсумнинг иккинчи қисмини "Рома"да ўтказди ва энди "бўрилар" футболчини яна ижарага олди. 29 ёшли испаниялик футболчи бунгача А Серия клуби сафида 12 та расмий ўйинда майдонга тушган.
Эслатиб ўтамиз, "Лидс" ўтган мавсумда Премьер-лигадан Чемпионшипга тушиб кетган эди. "Рома" эса А Серияни олтинчи ўринда якунлади ва Европа лигаси гуруҳ босқичига йўлланма олди.
Тransfermarkt портали мутахассислари Диего Льорентени 12 миллион еврога баҳоламоқда.
