"Эвертон" бош мураббийи Шон Дайч "Бешиктош"да ижарада ўйнаган Деле Аллининг жамоага қайтиши ҳақида фикр билдирди.
"Суҳбатдан мен Деле футболга қайтишни ва яхши ўйнашни хоҳлаётганини ҳис қилдим. Мен унинг атрофидаги шовқинларни кўрдим, у ҳақидаги барча фикрларни эшитдим. Ишончим комилки, ўйинчи ҳақида ўз фикримни шакллантиришни яхши кўраман. Аммо Алли формага кириши керак.
У билан учрашдим, лекин у қандай машғулот ўтказаётганини кўрмадим, "Эвертон"да қандай ўйнаганини кўрмадим, ҳар куни биз билан машғулот ўтказаётганини кўрмадим" - деди Дайч.
Истанбул клуби англиялик футболчини 2022 йилнинг августида бир йиллик ижарага олганди. 2022/23 йилги мавсумда Деле Алли "Бешиктош" сафида 15 та ўйин ўтказиб, 3 та гол урган. Деле Алли охирги марта 26 февраль куни расмий ўйинда майдонга тушган эди.
