"Атлетико Мадрид"нинг бразилиялик ҳимоячиси Ренан Лоди ёзги трансфер ойнасида жамоани тарк этади. Клуб футболчига ишонч билдирмайди, дея хабар бермоқда Football Espana.
Манбага кўра, ўтган мавсумни Англиянинг “Ноттингем Форест” жамоасида ижара асосида ўтказган Лоди “матрасчилар” бош мураббийи Диего Симеоненинг ишончини анчадан бери йўқотган. Мавсум олдидан “Атлетико”га қайтганига қарамай, у ёзда жамоани тарк этади.
"Ноттингем Форест" "Борнмут", "Бенфика" ва Италиянинг бир қанча жамоалари Лодини шу ёзда сотиб олишга қизиқиш билдирмоқда. Футболчи учун курашга "Марсель" ҳам қўшилди. "Атлетико Мадрид" бу ёзда Лодини сотиш учун 15-20 миллион евро сўрамоқда ва унинг хизматларига қизиқиш ортиб бораётгани сабабли мадридликлар бу нархни камайтирмасликлари мумкин.
2022/2023 йилги мавсумда бразилиялик футболчи АПЛда "Ноттингем Форест" сафида 28 та ўйин ўтказиб, битта голли узатмани амалга оширган.
