"Ювентус" ярим ҳимоячиси Поль Погба дам олиш кунларини Саудия Арабистонида ўтказди, дея хабар беради журналист Фабрицио Романо.
Шу билан бирга, 30 ёшли франциялик футболчидан Саудия Арабистонидан клубга ўтиши мумкин бўлган трансфер ҳақида ҳам сўралган. "Билмайман. "Ал-Иттиҳод" ёки "Ал-Аҳли"? Кўрамиз", - деб жавоб берди Погба.
Аввалроқ Погба "Ювентус"ни тарк этиши мумкинлиги ҳақида хабарлар тарқалган эди. Турин клуби франциялик футболчининг тез-тез жароҳат олишидан норози.
2022/23 йилги мавсумда Погба барча турнирларда бор йўғи 10та ўйинда майдонга тушди ва битта голли узатмани амалга оширди.
