"ПСЖ" собиқ спорт директори Леонардо ҳужумчи Килиан Мбаппени танқид қилди.
Париж клуби юлдуз футболчини шартномани узайтиришга кўндирмоқчи - ҳозирча муваффақиятга эриша олмади. 24 ёшли ҳужумчининг шартномаси бир йилдан сўнг тугайди ва катта эҳтимол билан франциялик футболчи келаси мавсум якунида эркин агент сифатида "Реал"га ўтиши мумкин.
"Охирги икки йилдаги хатти-ҳаракатлари билан Мбаппе ҳали жамоанинг ҳақиқий етакчисига айланмаганини кўрсатди. У ажойиб футболчи, лекин етакчи эмас. Ажойиб тўпурар, лекин яратувчи эмас. Унинг атрофида жамоа қуриш қийин. Менимча, "ПСЖ" клуб манфаати учун у билан хайрлашиши керак", - деди бразилиялик функционер L'Equipe нашрига берган интервьюсида.
