"Ювентус" ярим ҳимоячиси Поль Погба Саудия Арабистонидан ажойиб таклиф олди.
Якшанба куни Италия ОАВлари "Ал-Иттиҳод" базасида француз футболчисининг пайдо бўлгани ҳақида хабар тарқатди - ташриф сабаблари аниқланмаган. T.V хабарига кўра, Погба Саудия Арабистонига шартнома бўйича музокаралар ўтказиш учун келган: "Ал-Иттиҳод" футболчига йилига 100 миллион евро маош билан уч йиллик шартнома таклиф қилган. Шу тариқа, ярим ҳимоячи трансферга рози бўлса, 300 миллион евро ишлаб олади.
Погбанинг "Ювентус" билан шартномаси 2026 йилгача мўлжалланган. 30 ёшли футболчи ўтган мавсумда ўн марта майдонга тушиб, битта голли узатмани амалга оширган.
